अवकाळी वेन, आयो आभाळ भरण,
फाटो कळजो,चिरो सपणेंन.
आंघ दखायो आंधारो,माटी देखणं पसारो, जीवते संसारेरो,हिम्मत कोणी हारो...वु हिम्मत कोणी हारो....
काळे ढगेम,चमकी विजेम.
जुते आवतेंम,काकरेरे बीयेम.
हारे सपनेम, वु निकळो नशीब लकेन,वु खुंदन संकट जारो !वु हिम्मत...
धरती सवारी गोदेम,बी घोरो जीवेम.सूर्य बलायो रमेन.
वु जगायो निंदेन, मुंडी वटायो देखेण. वु भरमायो देखन हारो भरो !वु हिम्मत...
ताडन सोसन, वु कर्ज काडन.
मनेन मारण, जगेन तारेन.
पेटेन भरण, वु निष्ठा इमान.तरी वु दाता, छादळा पसीरो !वु हिम्मत...
पिक बेतेरो,रान सुगीरो.आधो पसारो,
धीर सोसरो, सपणो वेचरो.
ठाले खेतेम वु गोफण फेरारो !वु हिम्मत...
आब!आभाळ फाटगो,सपणो समागो.ओन दखायो एक निखार,ओरो नाम सहकार.
पुळी बांधो, किदो हाकारो !वु हिम्मत...
भरोसो संगत,चाले नवो जगत.हाते माई हात, किदे एकीरी वात.नाके पग दमदार,डुंगर चढे हुवो ललकारो !वु हिम्मत...
हरितक्रांतीरो निर्माता,कृषी जगतेरो दाता.हातेंन दिनो काम,कामेंन मळो जना दाम.देशेम हुवो ओरो नाम.
श्रमिक झांज नंगारा घोरारो !वु हिम्मत...
प्राचार्य जयसिंग द जाधव पातूर जि अकोला
0 Comments