जलदी जलदी, तु चाल मारी राणी!अवकाळी आयो पाणी,
संभाळ तारी साडली,वाट जोवरी छ, खेते मायिरी मावली !....
हाणी हाणी बढा तारी चाल, कसो आयो साल!आभाळ भी भरन, वाळ छुटी इ फरन,पगला मेल ये रोपण, तोन वठालु मारी कळजेरी काचली !वाट...
बुंदे बुंदे बढी, राजा राणी जोडी, एकांते री घडी. सांज जारी पडी,पखेरू जारे वडी,पसार तारी ओढणी,वठाउ तोंन मारी लाडली !वाट...
जावा रुडी रुडी,आंबा आयो पाडी, बाजु बंधी जोडी,
राज्यापांड्या,अन गाडी ये!भरी काठोकाठ वावडी ये!
माथेपर थाट,देद तारो माठ.बोली बोलावु तोंन कोबली !वाट...
पगला पगला चाला, आगासेन झला.लढा मनेरो किला ये!थंडी थंडी वाळ, काई आछो काळ.डिलेंम भड काई वु झाळ ये. तोंन झललु म मारी नवेली !जलदी...
फटी फटी, वेगो खूब पाणी,
धरती मातारो इ देणो ये.रान झाडी कसो,खुशी खुशी हासो.लेरा लेन आमली जागी ये!तोंन पिकावु मार खेती मावली!जलदी...
प्राचार्य जयसिंग द जाधव पातूर जि अकोला
0 Comments