ATM मीटिंग म कुळीर वाते ठरी

 *Two Days National Level Workshop/Seminar for Gor Banjara Community at Mumbai-2022* 

 *Conclusion & Resolution*

 

Saturday 02.04.2022

*विविधताम एकता*

Social Unity & Integrity

विविधतामे एकता

1)हाम कूण छा?हाम सेती आलग कू छा?

 *हाम गोर छा,गोरमाटी छा हामार जलमेती मरेसताणी,सालभरेम,मीनाभर,एक हापताम,दनभरेम,से पोरेम कायी करेरो येर नेम,नकता आन आलग काळगणना छ,जगेमायीर केनीबी गोर वेतावं छं मात्र वू कोर रेयी चाय.*

2)हाम कूणसे धरमेसोबत वेते कायी?

 *हाम धर्म संकल्पनार पेले छा,हाम कूणसे धरमेसोबत वेते कोनी मात्र वोनेसोबत बेपार करतेते आन वोनेन जगेवागेर रीत केतेते.*

3)धाटीपर जगेवाळेन धरमेर गरज छ कायी?

*धाटी यी जीवनशैलीपर जगेवाळेन धर्मेर गरज पडेनी*

4)धाटी, वाणी,बानो,टांढो,पंचायत बचाणू गरजेर छ? 

*गरजेरो छ, नतो हामार वळख आन हाम आलग छा येर चिताळणी भूलाजाय.*

5)हामार बलस्थान कायी छ?आपण एके नामेहेट आ सका छा कायी? कसो?

*हामार बलस्थान वूचेर पाच वाते छ,पण हामार सोबत जगेवागेवाळे लोकूसोबत आपणेन सेन बंजारा केन बलावछ हाम सोतान मात्र गोरमाटी काछा*

6)समान नामेर लोकून कूणसे समान वातेती जोडणू गरजेरो छ?

*जगेम भेळेर रीत फक्त आपणी धाटीम छ आन हाम सेन स्वातंत्र्य देन सोबत टांढेम लेन चाला छा यी वात फेर आपणेसोबत जगतेवागते आये जे लोकून समाजान केणू गरजेरो छ.*

 

7)परराज्येम वसरे जे आन आलग प्रवर्गेम छ जे लोकून एक जाग लाताय?

*आपण से एकज छा जरी आपण नाळी नाम,नाळी प्रवर्ग आन नाळी राज्य वीये तरी आपण गोर करन जगेवाळे गोरमाटी छा यी वात सेन एक जाग ला सकं छं*

8)नाळी नाळी धरमेम चलगे जे लोकून फेर कू लाताय?

*आपण वूचेर पाच वाते मजबूत करा,चलगे जेर आडचण समजन वोपर पर्याय दा*

 

9)आपणेन दुसरी विचारधारार गरज छ क हामार लोक आपणी वातेतीज मजबूत कू बणा सका छा?

*दूसरेर विचारधारार गरज छेनी,आपणज वातेती मजबूत कर सका छा आन एकता ला सका छा.*

10)संविधानेर हासाबेती आपणी गणना करन फेर मजबूत कू करताय

*संविधानेर प्रस्तावणाम आपणेन विचार,भजेपूजेरो,भरोसो जतायेरो स्वातंत्र्य मळो छ यी वात धेनेम लेन सेन आपण जत छा वतं हाम गोर बंजारा छा केन आपण संख्या निर्धारित करणू.*

11)वेळापर आयेवाळ यीसे

रेगे जे संघटना आन लोकून लेन *अंतीम निर्णय लेन जबाबदारीर वाटप करा.* 

Sunday,03.04.2022

*समस्या, नीयाव आन विकास*

Issues, Justice & Development 

समस्या,न्याय एवं विकास 

1)हामार सेती मोठ समस्या कायी छ?

*हाम एक रेयेरबाद हाम नाळी नाळी नाम,राज्य,प्रवर्गेम छा.*

2)महाराष्ट्र आन उत्तर भारतेर राज्येर प्रश्न कूणस छ?

*संविधानीक सवलत मळी कोनी.*

 

3)टांढेम रोजगार धंदो कू बडाताय?

*टांढेम आपणेन आवश्यक छ जे जनसे,वस्तूसारू आपणज लोक प्रशिक्षित करन जोडधंदेर संकल्पना देणू.*

4)राजसताती सेरो भलो वीयो कायी?

*अंशतः वीयो पण पूरो कोनी वीयो.*

5)आरक्षणेती से प्रश्न छूट छ ? बाकी राज्येम कूणसो आरक्षण मळ सक छ? मांगणू?

*आरक्षणेती काही प्रश्न छूट सकं छं,बाकी राज्येम शेजारी राज्येर धर्तीपर आरक्षण मांगणू.*

6)शाळा,आरोग्य,भाषा सरीक से विषयेम आपण सक्षम कू वे सका छा?

*नाईक साहेब दिने जे आश्रमशाळा,आरोग्येर सुविधा,भाषार प्रसार प्रचार करणू.*

 

7)आंधसरदा,रोजगार आन नाळी नाळी समस्या छडायेर मार्ग कूणस छ?

*टांढेम बढरी जे अंधश्रद्धापर काम करेवाळ टांढेम टीम रेणू,नाळी नाळी समस्यासारू पायलट प्रोग्राम रेणू.* 

8)हामार विकास करेन अडथळा केरो छ? वोपर पर्याय कायी?

*हामार कायी लोक छ,राजकीय सामाजिक विरोधक बी छ पण हाम सिरोधामी समन्वय समितीर माध्यमेती समन्वय घडा सका छा.*

 

9)से संघटना कूणसे समान वातेपर एक रेन काम कर सकं छ?

*किमान समान उद्दिष्ट लेन सोबत काम कर सकं छं.*

10)हामारी संघटनानं रचनात्मक बदल करन काम करणू गरजेरो छ कायी? कृतीकार्यक्रम कसो रेयी चाय?

*संघटनार धोरण,रचना आन कामेम बदल करणू गरजेरो छ कारण अनेक समाजविघातक आन समाजेम फूट पडेर नवीन रीत आंघ आरी छ,वोरसारू एक कोर कमिटीर माध्यमेती सेरो समन्वय घडान आपणे उद्दिष्ट आन विकासेसारू काम कर सका छा.*

11)वेळापर आयेवाळ यीसे

*सांघीक नेतृत्वेहेट एकजाग आवा आन आंघेर राष्ट्रीय पातळीपरेर बैठकेम घोषणा करा.* 

N.B.These decision have made till further meeting.