कुण लंघायो घाट --?
बदले जना वहिवाट,
बदलो हमारो थाट !
कुण बणायो वाट, कुण लंघायो घाट?
जमानो बदलो, बदलो सारी जग.
डुंगर खोळाम, वु फसो हुवो पग !
खेचतांणी लायो,हुबारो जगर हाट.
कुण दकाळो वाट ?!कुण लंघा...
पेटेसारू हिंडे,दरी डुंगर माळ!
माथेपर आभाळ, अज्ञानी जंजाळ.
गुढी टेको ! लायो सत्तापाट!कुण लंघा...
चारिवडी काळ तारे,निगराणी बेजार !
दनेमाही हाजरी,आजादी ललकार?
कुण बदलो रूप तारो,भांगेरो ललाट!कुण लंघा...
गमागी जना नायकी,हुबे किदो गोर.
फेरान दिनो आट, हुसळी जना लाट! कुण लंघा ...
मरदा वेन पडे, फुको ओम प्राण,
पेटायो जना रान, फरन मळो मान ! कुण लंघा...
माथेपर पागडी, मुछे पर आट,
वसंत बनायो थाट तारो,वसंत बनायो थाट !कुण लंघा...
प्राचार्य जयसिंग द जाधव पातूर जि अकोला
0 Comments