गोर धाटी-भीमणीपुत्र

 *वाते मुंगा मोलारी*

              my swan song

*गोर धाटी..!*

*जेनं गोर धाटी मालम छेई आसेज गोरमाटी लेखक चुकीरो लकतू दकावच्."गोर बंजारा ही मूळची भटकी जमात".हानू भी कांयी कांयी पुस्तकेमं वाचेन मळच्.ई विकृत इतिहास मूलनिवासी गोरमाटी गण समाजेनं घणो घातक ठरेवाळो छ.*

          *जमणे इतिहासकारेर गंभीर परिणाम समाज आज भी भोगरो छ.*

        *"बंजारा ही मूळची भटकी जमात"छ.हानू आपणज जर आपणे लकणीमाईती कबूल करीया तो प्रस्थापित व्यवस्था जो आपणेनं "प्रि-कालनीयल स्टेटेम" वर्ग करमेले छ ओनेनं बळकटी मळे सवायी रं कोनी.*

           *लदेणी कतो भटकंती वेयेनी;लदेणी ई आपणो व्यवसाय रं.*

         

*लादणू (क्रि.) = गाडी किंवा बैलांच्या पाठीवर ओझे टाकणे*

*लदेणी = माल भरलेले गोण्याचे ओझे बैलांच्या पाठीवर लादून वाहतूक करणे,ने आण,दळणवळण*

*लादन = ओझे लादून स्थलांतर*

        *लदेणी व्यवसायेती गोरमाटी/बणजारा ये "भटकी जमात" सिद्ध वे सकेनी*

               *गोरमाटी/बणजारा ये धरमूळेती "भटकी जमात" छ तो पच् "थापेरो घर" आन् घागरेर छीटेर बारं धडी बदडते बदडते वेतडून दरवाजेमाईती छिटे हेटेनं भारं काडेर वयीवाट धाटीमं कू..?*

          *ई भी वीचार वेणू गरजेरो छ..!*

           *लकतू लकतू चुकाचा,म भी चुक जांवू छू;पणन् आंगेर लकणीमं चूक दुरूस्त करतो रूचू..*

            *आपण लकणी समाजेर भविष्य आन् भवितव्येनं घातक न् ठरणू येर भी काळजी लेणू गरजेर छ..!*

*ये से वाते धेनेमं लेनं मूलनिवासीर व्याख्या करतूवणा "वसाहत पूर्व समाज रचना" ई एक निकष संयुक्त राष्ट्र संघ लागू करमेलो छ..!*

*लेखकेनं प्रस्थापित व्यवस्थार कावा धेनेमं आणू गरजेर छ आन् वाचन संस्कृती रूजाणू गरजेर छ..!!*

*डायसाण/डायीसाणीती भेटभलाई करते रेणू ई घणो गरजेर छ!!!*

          *भीमणीपुत्र*

    *मोहन गणुजी नायक*