बामनेर कावा वळको

 बामणेरो कावा वळखो

बूध्द (पेलारे हिंदू जे सनातनी बामणेरे जूलमेन कचवा थाणीन बूध्द बणगे ) मसनमान (पेलारे दलीत जे हिंदु धर्म आन सनातनी बामणेरे जूलमेन कटाळन मसनमान बणगे जे ) ख्रिश्चन ( पेलारे बहूजन जे सनातनी बामणेरे जूलमेन तरासन ख्रिश्चन बणगे जे )येनूरी बढती ताकद देखन आब सनातनी घबरारे छ. वोनूरे वीरोधेम लढायेसारु जनसकती,संघसकती वाळे बंजारा समाजेन गळ लगारो छ ( माछळी पकडेरो काटा) .

आजेरुन हिंदू - मसनमान दंगलेमायी एक भी बंजारा रस्तापर ऊतरो कोनी आब, बंजारान हिंदू मसनमान दंगलेम वतारेसिरु आन ,बंजारा समाजेरे जवान बालबच्चान कोरट कचेरीम फसायेसारु टपन बेठो छ करन, बंजारा समाजेन पूचकारन ,मया बतान ढाई बलान पूटेमायी कटारी घालेरो कावा ये कपटी सनातनी कररे छ. यी काव म आछे तरासी वळकू छू कारण म संघेन एकदम कनेसी वळकू छू.

आपण एक लोई पाणीरे छा करन,मारो जीव तूटं छ.तमनेन जगायेसारु मनं ऊमजगी,समजगी जे वातं केवू छू.सामळणो न समळणो यी तमारी मरजी.केणो मारो काम छ वू म कररी छू. सामळे सणते रीयो तो फायदेम पडीये. नतो तोटोज तोटो आन नसीब खोटो केयेरी वेळा खूद,खूदेरे हातेसी मतं लावो.

आबं ये आपणेन मसनमानेरे वीरोधेम लढाये पच बूध्देरे वीरोधेम. वोजी येज सनातनी संघी एक प्लान बणान जाणबूजन आधे आपणे सामू आन आधे वोनूरे सामूसी हूबे रीये. पीसारो चूराडो आपणो,समीया बरबाद आपणो, मानसीक तकलीफ आपणी,घरेम वको पडीये आपणो,स्याळा,कॉलेज छूटीये आपणी,केस फाटा हीये आपणेप,नवकरीसी दूर हीया आपण, दनेसी दन भीकारी बणीया आपण. पच बामणेरे गूलाम बणन रीया आपण. 

तमनेन गूलाम बणायेरी पेली पायरी केतो हिंदू धर्मेम जाणो. तमारे कावेबाज वेरी,मनेमायी वेर ठाणन बेठो छ. तमनेन हिंदू बणान गूलाम बणायेसारु टपमेलो छ. वोरे कटेरो हिस्सो मत बणो. समज जावो.आंगेरी वातेरी समण घालो. समण घालीयो तो बचीयो नतो एकदन हिंदू धर्मेरे पूरेमायी वेराजायो पण, वोदन तमनेन बचाये सारु हारपणी जीजाताई राठोड कोनी रेयेवाळी. आज तम काटा बोयेन तो बो रे छो पण,वोरो भोगणा तमारी आयेवाळी पीढीन भोगणो पडीये. हामारी खूदेरी धाटी छोडन हाम आज धासरे छा. यी हामारे बाप दादासी दगो कररे छा . जग दनीया जाणं छ दगाबाजेरो कनायी भलो हेयेनी. पच वू पराई सी करं नतो आपणेसी.

पेनारे डोकरी,डोकरा केगे छ. *"दगो केरी सगो छेनी,दगो करन देखो"*दगो करेवाळेरे ,एकदन घर जानं देखो"*

हाम हामारे पेनारे बापदादारी धाटीसी दगो कररे छा. पेनारो धरम, धाटी छोडन हाम हिंदू बणरे छा.यी हामारे बाप,दादारे वीच्यारेसी दगो छ क,कोनी ? येरो वीच्यार खूदज करो

हारपणी जीजाताई राठोड