नवलेरी न नवू नातो कळो कोणी

 आजेर नवलेरी न नव नाता कळे कोणी करण

--गोर कुळीर हाल--?

नवलेरी न जर नवं नातो  कळो ओर संसार आचो वच,जे छोरी न नवनातो कळो कोणी ओर जिंदगी जीवन अधुरो छ--अन संसार बरबाद वच

1) सिकन आनपड छ-----? का तो ओप पेणार संस्कार सीक छेनी---?

3) करणं संसार कळरो कोणी--?परिवार कळेनि फक्त,याडी बापेर संसकार सीक मळी कोणी करणं--?

4) ऐकली रेयेन आचो लागच छ---?का तो काम करेर कटालो रछ, ओती घरेम ओन सेच लोक बला लागच--?

5) 10x10 रुमेम म मार बालिया अन कालिया बस दुसरो कोयी जमेनी यी ओर सपणो उद्देश रच

6) सासू ससर,देवर,जेठ जेठाणी ती जमरो कोणी--सेर बद्दल तिरस्कार भावना रच

7) ननंद ती भोजायीर जमरोकोनी का तो याडी बापेर पाणी खिचच करणं--?

8) टीव्ही सिरीयल देकन --? गरीबी माईती हुबो रो जको संसार से खेळ बिगडा नाकरो च,सिरीयल म से घर अन बायी र मातो बिगाडेर काम चालू छ--?ओती छ जको बाईर संसकार खतम वेरे अन मतलबी बनजारी--?

9) भायी ती खेते सारू,धुरिया सारू झगडो करारी अन भायी भायी रो वेंर वेयी जारो--?

10) भायी भायी म द्वेष तयार करेर काम जोरेती करीच,घरेमयीरी बायी,टांढरी ती--?

11) घरेम हरेक वाते म हिरस करच,बोडी,जठाणी, दरवाणी,देवर ती--?का तो देक सवारी कोणी--?

12) जण जोयी,नाळी करेर,घर म फूट पाडेर काम वेरोच बोडिर पगेती--? सासुर पगेती--?जटानीर पगेती--?

13) संसारेर क ख कलरो कोणी,--? एक तो जापा सिकसण च करणं छेनी करणं ओती,काम करेर सव छेनी कारण--?

14) एकांधी आछ साडी मळीगी तो क्लास 1 छ जु रच बोडी, बाकी न सेन झाठ समजच---?घरेम केतीच आचो बोलेणी वागेनी--?

15) सेंडा बुडका कायी कळेनि पण वाते मोठी मोठी वाते फेकच अन  घर बीगाडच,--यी बाईर कमजोर बाजू की समज छेनी--?येन करण छ फक्त रिस--?

16) पिसार संपत्ती र लालचेम कायी बी करीच,घर से बिगड जारेच --?ओती घरेम आचि वाते वेरी कोणी--?बालबचिया प आचे संस्कार वेरे कोणी --?

17) कोयी पिसा आदला दिनो तो दुसरेकन चलीजारी छ,--?आसि बी सवय लागी छ--?ओती टांढो घर से बीगडजारे छ--?

18) रिस खूप आवच,ओती,जास्तीत जास्त आत्महत्या, वीस,धासनू,फारकत वेतू दकारो छ,--?

19) घरेर शेजारी लोकूती आछो रेयेनी,का तो अति सान पणो,अन तिरस्कार भावना छ कारण--?

20) सासु ससरे पेक्षा याडी बापेर काळजी जास्त छ,बोडी न ,चोरीती देएरो आसि से वाते,ओती घरेर नाश वेरो---?

21) जेठ जठाणी हिरसेप दुसरो काम जोरेती करच,अन घरेम द्वेष तयार करच--?

22) धणीन मालकेंन हातेहेट लेमेलीच,ओन कतीच हाल चाल करे देईनी आस गत छ,बेस कतो बेस,उट कतो उठ,बाया वेगो छ--? अन सतत रात रात जागणं सेर विरोधेम मातो भरेरो--?यी काम वेगो मंजे घरेर अन परिवार नाश वेयेन वेळ लागेनी---?

23) जरा कायी घरेम वेगो तो सेर विरोधेम ठाणे म धासच,फारकती,नतो कायदेर डर दकाळच,मरेर डर दकाळच--?

24) कती बी री तो घरेर मालक बणे सारू तयारी रच--? की से चाबी किल्ली मार ताबेम आणू करणं---?

25) घरेम कायी बी जरसेक वेगो तो रोज कायिन कायी लढाई लेयेन मारेंन,मरेन धासच--?धमकी दच--?

26)नवीन बोडीम अन सासू म नेहमी झगडो छ का तो नवीन छोरी म रिस घनच भरीच,मतलबी पणो जास्त छ 6 मीना बी सासू कण रेरी कोणी--?का तो समज छेनी--? संस्कार छेनी --?ऐकली रेयेर आचो लागच--?

27)लकी पडी बोडी विचारीक रेनु क आनपड ,तो सेन समजणं लेयेवाळ रेनु पण छेनी--?

28)नवीन बोडिन नवं नाता कळेनि,ओती घर टकरो

कोणी का तो घरेम सीक छेनी ,पेणार वाते  कळे नि करे वाळ डाय साणे लोक रेगे कोणी--?

29)एक टक्का बोडी न संसार अन कटमाळो काळरो छ, बाकी से कोयी साठा न ,बंबई, पुणा, सुरत,गुजरात, खाल्ले पिलेंन घर छोडन पडे वेरे छ--?यी आजेर हाल छ

30)आजेरी नवलेरीन नाता तगाता कळेनि का तो ओन सीक दिने कोणी करण आज घर वेटागे छ से परिवार,सासू ससर याडी बाप से दुकी छ--?

31) कायी बायी बोडिन बोलेर सूद छेनी कतो कळच क दादी दादार याडी बापेर सीक छोरी लिदी कोणी--?करण बोलेरो काळेंनी जास्तीत जास्त गाळी गलोच करच--?

32) आजेर बायी छोरी अनपड बी लकीपडी बी ओसीच छ,का तो भारेर दनियाम दकारो वसो करीच अन घर बरबाद वेरो,खरच बडतो छ ओती घरेम लढाई झगडो जापा चालू छ---?

33) एकांधी भाईप भरोसो किदे तो तांडरीर हदाबेतो उ घरेर टकडा टकडा करेर काम वेरो--?

34) नवलेरी हारो भरो वेरी कोणी --?तो आजेर वतावरनेती वेतडू,पती केन कच,कळरो कोणी जत हारो दकावच वत डगरजारी छ--?

35) पेणा नवलेरी घरेम आवगी कतो ओन लक्समी रुपेम देकतेते पण आब नाळी नजरेती देकच,करणं घरेम जमरो कोणी--?

गोर विलास रामावत भुकिया