सतगरु सेवालाल जलम दनेर नियोजन करा

गोरसिकवाडी से संघटना र याडी छ केन काम करा

15 फेब्रुवारी सतगरु सेवालाल जलम दन (जयंती)

*जै गोर जै सेवालाल जै* *रामाराव बापू जै वसंत जै* *लाखा गोर* 

                  आयवाल तारिक 15/2/2022 फेब्रुवारी सतगरु सेवालाल महाराज जलम दन (जयंती) आचे तराती साजरो करेर छ,टांढेर नायक ,कारभारी, सरपंच, लीडर,कर्मचारी,कोरोणार विचार करण ,टांढो,सर्कल, तालुका, जिला, जु जम जु जापा पिसा खर्च न करता ,कुनसोबी वेसण न करता से लोकून सोबत लेन साजरो करेर छ,सोबतच  कायी, कोरिकोर लोकून बलांन सदा एक फुल देणं सन्मान करेर छ, *कोरे गोरे न सायी वेस* कर्मचारी, सरपंच, नायक ,याडी भेने ,येनुन सदा 2-2 मिनिटं वाते करेन देयेर छ,वचारी करण अपणें जीला,विभाग, महाराष्ट्र र लोकून बलायेर छ,ओ दन नवे कपडा घालणं, *गोर वेराळू ,गोर धाटी,वाणी,वेस,लकनीर महत्त्व,आपणो समाज

 उधोग धंदा,  बेपारे म कु  आंघ बडीया इमानदारी, एक मत्रो,येरो वचार करेर छ,* घर घर ओ दन अपणेंन जलम दनेर ये  वाते करेर छ,सेवाभायारो नामेर विचारेर दिवो लगायेर छ,एक आदर्श ,वेराळू ,विचारवंत,तोडावळो लढावूवा,

सतगरु सेवालाल न वजाळेम लायेर छ,अन ओर विचार धेनेम लायेर छ,अन लेयेर छ,अन लोकूताणी पछायेर छ,

विचार करेर वाते

1)सर्वसमावेशक जयंती साजरो करा,

कोरे गोरे न सायी वेस,मानवतावादी विचार दो,ओबीसी भटकी जातेर लोकू सोबत लेन ,मान पान दो,,भाईचारा ,बहुजन विचार धारा ती सतगरू सेवालाल विचार ओनुर मातेम नाका,अन भियार विचार मुंडीयांग लेजावा

2) जिला ,तालुका संयोजक,गोर सेना निवड करा,

3) याडी भेनेर सनमान करा,ओणून स्टेजेप वाते करावा

4) अधिकारी कर्मचारी र  प्रशासकीय संघ म निवड करा,,ओणून मान पान दो

5) डाय साणे लोकूर सन्मान करणं निवड करो

6) नाळी नाळी संघटनांर लोकून सन्मान करा,2-2 मिनिटे वाते कारावो

7) नाळी नाळी राजकीय लोकून सोबत लेन जयंती करा,राजकीय बाजू मजबूत करा

8) obc कर्मचारी न सोबत लेन काम करा,ओती ओबीसी बाजू मजबूत विय,विमुक्त लोकून सोबत ला

9) नाळी नाळी जागेप मानवतावादी विचार धारा लेन सतगरू सेवालाल विचार मोठे करा,गोर धाटी,मजबूत करा,वाणी न बचावा

10) गोर कविसंमेलन, साहित्यिक लोकू न सोबत लेन विचार मजबूत करा,गोरुरो इतिहास लखा

11) नाळी नाळी गावणीया लेन आचे विचारेर भजन बोलावो,समाज परिवर्तन विय,टांढेर लोकून जगावो

12) नायक,सरपंच, लीडर,राजकीय, कर्मचारी न सोबत लेन नाळी नाळी दळे म काम करावा

13)खरो, इमानदारी ती कुळीरो काम करा,अन गोरून जगाते,दलाल लोकूती 2 हात छेटी रो

गोरसिकवाडी,गोर सेना ,कोअर कमिटी,भारत