नागपूर येथे घडला इतिहास-गोरसिकवाडी,गोर सेना

 गाेर सेना नागपुर ये खैरी पन्नासे हिंगणा नागपुर आतेर गाेर बंजारा बांधवेन "गणतंत्र दिनी" जागेर पट्टा मळान दिने!

----------------------------------------

नागपुर:- *लारेर चार सालेती मा. अरुण भाऊ चव्हाण गाेर सेना राष्ट्रीय अध्यक्ष येदुर मार्गदर्शनेम आदरणीय श्रीकांत भाऊ राठोड गाेरसिकवाडी महाराष्ट्र सहसंयोजक, विजु भाऊ राठोड विदर्भ संयाेजक,संदिप भाऊ राठोड नागपुर विभागीय संयाेजक येदुर नेतृत्वखाली गाेर सेना नागपुर कटमाळेर खैरी पन्नासे हिंगणा नागपुर ये तांडेर गाेर बंजारा बांधवेर जागेर पट्टा मळायवास आंदोलन चालू र.,*

         गामेर गावठी राजकारळेती गाेर बंजारा बांधवेर घर अतिक्रमणेर ठपका लगान पाड नाकेते., गाेर भाई बेघर वेगेते.

परंतु गाेर सेना नागपुर वाेच जागेप परत गाेर बंजारा भाईन बेसारन,लारेर चार सालेती गाेर बंजारा भाईन हक्केर जागा मळेवास संविधानीक मार्गेती लढरेते., 

लारेर दि मिनाती संबंधित गाेर बंजारा भाईन जागेर पट्टा मळायवास ग्रामपंचायत खैरी पन्नासे हिंगणा येदुर अतिक्रमण धारकेवास गावठाणेर जागार ठराव मंजूर करान., प्रशासनेर दरबारी पट्टा मळायवास घाेडदाैड चालु र., 

दिनांक:-२६ जानेवारी २०२२ लगस जर पट्टा न दियाे ताे बेमुदत तहसिल आॅफीस हिंगणा आत आंदोलन करेम आय. असाे इशारा सुध्दा देय्यम आयाे., 

परंतु प्रशासन ये विषय सामु दुर्लक्ष किदी., गाेर सेना नागपुर ये वाेदुर विचारेप ठाम रेताळी., २६जानेवारी२०२२न ग्रामपंचायत खैरी पन्नासे आतेर सदस्य माजी संरपचेन साेबत लेताळी सदर गावठाणेर जागार साफसफाई करान पिढीत गाेर बंजारा भाईन वाेदुर हक्केर जागा मळान दिने., 

अब एेरे आग काई बी वाे गाेर सेना नागपुर कटमाळाे तमार साेबत खांदेनखांदाे लगान हुबाे रिय., असाे आश्वासन सदर वेळी संदिप भाऊ राठोड गाेरसिकवाडी विभागीय संयाेजक ये दिने., 

             आज हाम गाेर बंजारा समाज आणि गाेरसिकवाडीर नायक, कारभारी करन हाम उदल राठोड,जयवंत जाधव, आदरणीय श्रीकांत भाऊ राठोड गाेरसिकवाडी महाराष्ट्र सहसंयोजक येदुर अभिनंदन कराचा., 

वाेरे साताेसात विजु भाऊ राठोड विदर्भ संयाेजक, संदिप भाऊ राठोड नागपुर विभागीय संयाेजक, आणि हमार संपुर्ण गाेरसिकवाडी, गाेर सेना नागपुर कटमाळेर खुप खुप अभिनंदन कराचा!

धन्यवाद गाेरसिकवाडी,गाेर सेना नागपुर कटमाळेर!अभिनंदन