चालो परभणी ,चलो परभणी ,चलो परभणी
⭕से गोर बंजारा समाजिक संघटना वडीती *महाआक्रोश* मोर्चा⭕
याडी मरीयामानं हारदं करण सतगरू सेवालालेर नाम लेनं सेनं कळायेम आरोछ क,सोनपेठ तालुकामायीर डिघोळ तांडेर वर्ग अकरावी मायी र ,आपणे गोरुर बेटीनं वोछ गामेर तीन नराधम भळणं वटानं लेजान आळीपाळीती पाशवी बलात्कार करतुवणा व्हिडिओ क्लिप तयार करण सोशल मीडियाप व्हायरल करेर धमकी दिणे. जना वु छोरी विष प्राशन करन आठ दन मृत्यूशी झुंज दिनी. अखेरीस 20 /09/2021नं वोर मृत्यू वेगो. वो तीन नराधम वोन विष लेयेणं प्रवृत्त किदे.
भाईयो, यी घटना आपने सारू घण भयानक निंदनिय छ.यी हानु काहा वछं ? लारेर काळेम गोरुर तांडेप झुपडार घर वेतेते पण वोनुती कोरीकोर तांडेम आयेनं चमकतेते, आज हाम माडी हवेली वाळ रेयेर बाद भी लोक दन छ तू हामार तांडेप आण घरेमायीती याडी भेनेनं दन दोपेर वटानं लेजान बलात्कार करण मार नाकरे छ, अन हाम फक्त देखरे छा .जर यी घटना कोरीकोरेर गामेम घडती तो वो हानुज गचप बेस जाते कायी ? कत चलेगो वु मारे गोरूर लोयी ?
" *कोणी झुके केरी आंगं , आसो स्वाभिमानी गोर, जेरो जोर वु छ सरजोर "*
हाम मातृसत्ताक पद्धतीवाळ लोक छा,अन हाम याडी भेनेनं पुजेवाळ लोक छा.अन हामार पुजनीय स्थानेर लोक विटंबना कररे छ, आज देशेनं स्वातंत्र्य मळन 74 साल पुरे वेगे, तरी हमारी याडी भेनं सुरक्षित छेनी वोर सारू से गोर बंजारा समाजिक संघटना वडीती, परभणी जिल्हाधिकारी कार्यालयेप भव्य मोर्चा रो आयोजन करेम आयो छ.
मागणी : -
1) यी प्रकरण फास्टट्रॅक कोर्टेम चलान वो तिनी नराधमेनं फाशीर शिक्षा वेणू
2) पिडीतेर कुटुंबेनं सरकारे वडीती आर्थिक मदत मळनु
3)याडी भेणे सुरक्षित रेणू केन शक्ती कायदो लागो करणु
⭕महाआक्रोश मोर्चा⭕
तारीख : - 29/ 09/ 2021 दन- बधवार
परभाती 11.00 वाजेनं
ठकांन :- वसंतराव नाईक चौक (पुतळा)ते कलेक्टर ऑफिस परभणी
⭕एक गोर वोमं सव्वालाखेरो जोर⭕
0 Comments