लेंघी ,वाघा लावडिया

 *=वाघा वळक गमाये रं=*

*वूट परभाती नायेणेन बेटे, पाघडी बांध माटी गोळा वीये रं ।।*

*पाघडी बांध माटी गोळा वीये रे लावडीया, काये गण वळक गमाये रं ।।*

*रतनेरो जोधा खूबारो भाया, वाघा वळक गमाये रं ।।*

*येरो समण कायीं वीये रे लावडीया, को गण वळक गमाये रं ।।*

*पोरी पोरी रातेरी टीटोडी रे बोली, टीटोडी काये गण बोली रं ।।*

*येरो समण कायीं वीये रे गवाळीया, काये गण टीटोडी बोली रं ।।*

*सातसे येडीया नवसे कराडीया, सेर डलीन ( दिल्लीन ) चाले रं ।।*

*सेर डलीन चाले रे लावडीया, टीटोडीर यींढा पीला फूटे रं ।।*

*टीटोडीर यींढा पीला फूटे रे लावडीया, वो गण टीटोडी बोली रं ।।*

*येरो समण कायीं छेयीं रे लावडीया, को गण वळक गमाये रं ।।*

*वूट परभाती बाळदा ये छोडो, ठोकरेती खीला तूटो रं ।।*

*येरो समण कायीं वीये रे गवाळीया, काये गण खीला तूटो रं ।।*

*छो छो मीना छामणी रे छायी, खूटान आदोयी लागी रं ।।*

*खूटान आदोयी लागी रे लावडीया, खूटा बोदो भसो वेगो रं ।।*

*खूटा बोदो भसो वेगो रे लावडीया, वो गण खूटा तूटो रं ।।*

*येरो समण कायीं छेयीं रे लावडीया, को गण वळक गमाये रं ।।*

*लादगे लदेणीया ढाळगे वीरेणीया, मसरू सराणीया भूलगे रं ।।*

*मसरू सराणीया भूलगे गवाळीया, खोडेम कूकडो दाबगे रं ।।*

*खोडेम कूकडो दाबगे गवाळीया, मलाणेप कागला भमरे रं ।।*

*मलाणेप कागला भम रे गवाळीया, वो गण वळक गमाये रं ।।*

*रतनेरो जोधा खूबारो भाया, वाघा वळक गमाये रं ।।*

येनं जाये दो! रंघ रंघीली आये दो !! येनं जाये दो !!!

              🤓

मारतीया रामचंधीया भूकीया