कळजेम वसालं वसालं वसालं
जिबेप नचालं नचालं नचालं
मिट मंगाळेती बोली गोरमाटी १
झोळी हालातु हातातू हालातु
हिंजोळो झुलतु झुलतु झुलतु
बोलं कोबल बोली गोरमाटी २
कर जागर जागर जागर
काड झगर झगर झगर
ढाळ ढावलो बोली गोरमाटी ३
इतो नरम नरम नरम
नितो मरम मरम मरम
मुरो ढिकाळ बोली गोरमाटी ४
ईतो मोसरेर मोसरेर मोसरेर
नितो वसडेर वसडेर वसडेर
येडीचोटीती बोली गोरमाटी ५
हिंड तिजेम तिजेम तिजेम
भिज॔ गिदेम गिदेम गिदेम
लेंगी डपडारी बोली गोरमाटी ६
खुलं व्याकरण व्याकरण व्याकरण
डुलं संगतैम संगतैम संगतैम
म तू ई ऊ वो सर्वनाम बोली गोरमाटी ७
आंगळी पकड पकड पकड
पुटेप आपाड आपाड आपाड
सेरेम सिरमिंदी बोली गोरमाटी
चळका मारचं मारचं मारचं
गलका करचं करचं करचं
दडस टांडेम बोली गोरमाटी ९
लकणी लाबगी लाबगी लाबगी
ढाकणी सोबगी सोबगी सोबगी
मेरा सायित्येम बोली गोरमाटी १०
लका गोरमाटी गोरमाटी गोरमाटी
वाचा गोरमाटी गोरमाटी गोरमाटी
बचा आपणी बोल गोरमाटी!!
शब्द थाट गोरबीली--- कैलास आनंदा पवार, (आरसाकार)आकोट जि अकोला.
मुळगाम वसंतवाडी ता. मं पिर. जि. वाशीम.
0 Comments