केसुला नांयी मोरिया
एकमेकोरो विचार
धेनेमं हाम धरिया
सलासुला वियतो
केसुला नांयी मोरिया
लखिंया अन् वाचिया
साहित्य जत्रा फरिया
वळख वियं लखणीती
केसुला नांयी मोरिया
खरेनं खरो केताणी
खोटेनं खोटो करिंया
अंमल बापूरे बोलेती
केसुला नांयी मोरिया
आपसे मायीर मतभेद
जना जमी मांयी गाडिया
अन्यायेर विरोधेम लडन
केसुला नांयी मोरिया
आंगं वाट लगायेर झोड
आपण पगला खिचिया
तमच को भा कुकरन
केसुला नांयी मोरिया
सारी वावरा पडीत
धुरा सारु भांडिंया
पंचं कुकरन कांयी
केसुला नांयी मोरिया
गचागच भरो दुसरेरो
झोरा वटाते फरिंया
कुकरन गोर भाईयो
केसुला नांयी मोरिया
देखो गोर भाई देखो
समाज दखेनं झुरिंया
जनाच तो पचं हाम
केसुला नांयी मोरिया
भविष्य काळेरो वघम
वोळखताणी वागीया
बापूरी सिख जाणन
केसुला नांयी मोरिया
सारी वाद मिटाताणी
धोळे झेंडा हेटं मोरिया
बापूरे नंगारारे तालेमं
केसुला नांयी मोरिया
दि.२७/०२/२०२०
पि के पवार
सोनाळा
९४२१४९०७३१
1 Comments
जय सेवालाल सर..... खुप छान छ
ReplyDelete