साळीया

 #साळीया

याडी बापेर उपकारेर,
कदर कती न कररे!
ढोरुरे कोटामं बा-याडी,
माडीमं बेटा-बोडी तररे!
तांडोतांड दिकावच् आसे सुकेपाके नोळीया!
वागेर पेट जलमगेच् लबाड साळीया!!

बाप दादार वावर,
कोडीमोल वेचरेच्!
आंग बडेवाळेरं,
खरिया भी खेचरेच्!
गमानाके नंदीम धुंडरेच् खाळीया!
वागेर पेट जलमगेच् लबाड साळीया!!

पिसा दबारोच् क्,
पिसालार धाटो?
भोकनो वेगोच्,
दिकारो कोनी घाटो!
पिसावास चाटरेच् पिसावाळेर तळीया!
वागेर पेट जलमगेच् लबाड साळीया!!

©️✍ #अमोल_नायक
      #भीमणीपुत्र_कटमाळो