हॉंळीयाशी कळजो??????
गोबा गोबा सारी
लुटायेवाळो निकळो
चौकिदार तळाव
आटायेवाळो निकळो १
खाडुमाईर सारी
फाकिया वाळ निकळो
जसो नवसेरो पायो
मुकिया बाळ निकळो. २
जिलकरी ढाळ
बेसेवाळो निकळो
साळ्यान गोदेम
पोसेवाळो निकळो. ३
शेतकरीन इमेऊमेती
वंदडेवाळो निकळो
उद्योगपतीसारू रोज
हिंजरेवाळो निकळो. ४
नोकरीन पंगतेमाईती
वटाळेवाळो निकळो
बॅंकेमाईरी हुंडी
खुटाडेवाळो निकळो. ५
बोकानज खोडंगाम
बलायेवाळो निकळो
आयतो मलिदो
झलायेवाळो निकळो. ६
ईतो जगाडेवाळेन
सवारेवाळो निकळो
गुंगीरो औषीद
फवारेवाळो निकळो. ७
मासीयाडी सगो परको
परकायेवाळो निकळो
नचोताणी अर्थव्यवस्था
फरकायेवाळो निकळो. ८
चायावाळो राजा
चलाकिवाळो निकळो
काळो पिसा धोळो
पालिसीवाळो निकळो ९
सेरो साथ विकास भरोसो
देयेवाळो निकळो
ईतो हॉंळियासी कळजो
खायेवाळो निकळो. ?????
शबदेर सासी--- कैलास आनंदा पवार (आरसाकार),आकोट जि अकोला. ९७६५६७७२९४.
0 Comments