निलडाेह तांडा हिंगना नागपुर आत भव्य सेवालाल महाराज जयंती साजरी

जै याडी मरयामा,जै सेवालाल

निलडाेह तांडा हिंगना नागपुर आत भव्य सेवालाल महाराज जयंती साजरी करेम आयो

नागपुर:- सेवालाल महाराज जयंती निलडाेह तांडा हिंगणा नागपुर आत खुप माेठे उत्साहेती साजरी करेम आयी., 

*निलडाेह तांडा म दिनांक:--२०/०२/२०२३न सेवालाल महाराज जयंती साजरी करेर लार एकमेव उदेश्य इ र की, निलडाेह तांडार गाेरबंजारा बांधवेर घर अतिक्रमणेम छ.,प्रशासनेर अधिकारी, कर्मचारी येदुन बलान निलडाेह तांडार अतिक्रमणेर विषय मार्गी लागळु इ एकमेव उदेश्य सेवालाल महाराज जयंती साजरी करे लार र.,*

          खराेखरच जर सेवालाल महाराजेन अभिवादन करेर विय ताे येरपेक्षा माेठाे काहीच उदेश्य रे सकेनी करन आपळ अतिक्रमणेर विषय मार्गी लागळु करन गाेरसिकवाडी गाेरसेना नागपुर कटमाळाे अतिक्रमणेर विषय लेताळी सेवालाल महाराजेर जयंती साजरी किदे., करन म *"जयवंत जाधव गाेरसिकवाडी कारभारी"* नागपुर जिल्हार गाेरसिकवाडी गाेरसेना कटमाळेर अभिनंदन करुचु., 

    सदर जयंतीर कार्यक्रमेन मा. श्रीकांत भाऊ राठोड गाेरसिकवाडी साेबती, गाेरसिकवाडी नायक उदल भाऊ राठोड, गाेरसेना जिल्हा अध्यक्ष गाेविंदा भाऊ पवार,गाेरसेना महिला आघाडी नागपुर जिल्हा अध्यक्ष हरपळी दुर्गाबाई नुळावत,नागपुर शहर अध्यक्ष चेतन भाऊ राठोड, व निलडाेह तांडेर नायक, कारभारी, हसाबी, नसाबी, याडी,भेन आणि गाेरसेनार लवालस्कर, गाेरसिकवाडी साेबती कार्यक्रमेन जातीती उपस्थित र.,

सदर कार्यक्रमेर सुत्रसंचालन विजय पवार गाेरसेना जिल्हा उपाध्यक्ष ये किदे., आणि आभार मा. श्याम भाऊ गाेरसेना तालुका अध्यक्ष ये किदे., गाेरसिकवाडी गाेरसेना नागपुर जिल्हा कटमाळेर आणि विशेष करन निलडाेह तांडेर आयाेजक कर्तार खुप खुप अभिनंदन., 

         धन्यवाद🙏🙏

            जै सेवालाल

अभिनंदन कर्तार

गाेरसिकवाडी गाेरसेना नागपुर कटमाळाे.