ऊसतोड कामगारावार होणारा अन्याय किती दिवस--सहन करणार?

 *मार भायी बंद सगासेण गनगोतो वचार करो.*

*गोरूर गटा मतदान देकन पक्ष सघटन समाजेर हितेर भाषन करते छ. दर पाच सालेम सेज आंग आन समाजेर कमजोरीर वाते करते आन वोपर सोलेशन वतान . लारेर 75 वरसेती बोलते चालते छ पणन समाज जत छ वोतज पडोच.*

*घणे लोक बडाचडान बोलते छ . पणन समाजेर दकणो कत छ कायी छ . येरो वचार क वोपर काम करते छेचा .*

*म काल ऊसतोड श्रमीक कामगार मेळावार परचार करतू देको क गोरूर 75% ते 85%*टक्का लोक साटा तोडेर काम करते छ.*

*वोनूर मेहनते पसीनार पीसा सगट वोनूर मेहनतेर नूसार देयेनी. यी कवडामोटो आन्याय छ. मसीनेन 450 रपीया टन दच आन जीवते मजूरेन 273,14पीसा . तो समाजेर 85 टका लोकूप कतरा मोटो आन्याय छ.*

*येर सारू कोयी आंग आयेनी यीभी खूप मोटो . अन्यायज तो करते छा हाम समजेवाळ लोक . वोर सारू यी हाल काहा छ . तो हाम संघटीत छेयी. हाम हामार संघटना. पक्षेती नीषटावंत वेगेचा आन समाजेर वापर वेतो छ वोपर आकी मीचन मूंडो बांदन बेटेचा. वोती से वातेर मतभेद भूलन जना जना समाजेर हितेर वच सेज एकजाग आवो आन सभाजेन न्याय मळान देयेसारू लढो. हा जेर जको संघटनेर पक्षेर भली नीष्टाती काम करो पणन समाजेर जत वापर वेतो छ. वोत एक जाग आन कामतो करो जे करते छ वोन सपोट तो करो. आतरीज सेन विनंती छ.*

*जेर जेन जेर सोबत काम करते छो जरू करो पणन आपणे एक दूसरेर मतभेदेती समाजेर हाल वेते छ वोपर वचार जरूर करो.*

*स्थलांतरीत कामगार आज जर देका केतो सेती जादा.गोरूर लोक छ साटा कंपनी रोडेप विटेप होटलेप कचरागाडीप हानू नाळी नाळी मेहनतेर काम घर दार छोडन करते छ वोनूर हालेर बे हाल वेते छ. वोपर जरूर वचार करो आन एक मजबूत संघटन बाणान कामगार वर्गेर मदत करो . वोनूर सारू आवजा वटावो वोपर लढो. हाकेर पीसासारू जागे केरो मेहनतेर नूसार दाम मळीचाय येनर मोरचा रासता रोको आंदोलन जर करेर छ तो से मळभळन काम करो .*

*जे अन्याय वेगेच वोपर से भावनार भरोसेप जमा वेजावाचा पणन समाजेप आसी घटना नज घडी चाय वोपर भी काम करणो पडीयतो गोरूप जे अन्याय वेयोच वोन थाम सकाचा.*

*जय सेवालाल जय सामत दादा 👏👏👏*