सतगरु सेवालाल महाराज ये विषयेपर लक्तूवणा आकलन, आवलोकन वेणो खूप गर्जेर छ. क्रांती, क्रांतीकारी, सेवा, आणि सेवालाल ये सब्देर फोड करनू गर्जेर छ. लाल कतो गोरूर एक पदवी छ,क्रांती मंजे योग्य परिवर्तन, नवीन बदल जे समाजेन तारेवाळो, प्रगतीपर लेजायवाळो विचारधारा ये विज्ञानवादी, परिवर्तनवादी, समाजभिमुक विचारेर पेरणी, करेवाळो क्रांतिकारी सेवा मंजे दुसरेन मदत करेवाळो गोरगरीबेन सुखेर वाट दकाळेवाळो सामाजिक, धार्मिक,राजकीय, तत्ववादी, व्यवसायिक, ज्ञानवर्धक, वैज्ञानिक आणि ऐतिहासिक क्रांतीकारी सेवालाल महाराज छ.सतगरु सेवालाल कतो
सत वाटेती लेजायो वाळो सत्य वाट धुंडन गोरून जगाये वाळो सत्यवादी ,पोरीयागड आत समागो जको पोरीया तारा,कतो गोर लदेणी लादतु वना पोरीया तारार दिशा देकन लादे,तोडावळो कतो माने पाने वाळो,आईवाळो कतो याडी न माने वाळो मातृसत्ताक संस्कृती वाळो सिंधू धाटी वाळो ,तोळाराम घोडे वाळो कतो एक लढावूवा ,पाच हत्यार चलाये वाळो,सेना प्रमुख ,नायेक,घोडे न डुकान पाणी पराये वाळो,बेपारी आण धानेर ये देसेर ओ देश लदेणी लांदे वाळो,बेपार करेवाळो ,3755 बळद लेन वाट पडे वाळो, लमाण मार्गेर शोध लगाये वाळो,आर्थतज्ञ मुये मळकेंन सर्जीत करे वाळो,पेलो बेटा नायकी करेवाळो,भायार सेच खरे वेते छ ये माईती खरो सेवालाल गोरु तानी पुच्छनू गर्जेर छ
सामाजिक, धार्मिक,राजकीय, तत्ववादी, व्यवसायिक, ज्ञानवर्धक, वैज्ञानिक,मानवतावादी, निसर्गवादी, लोकशाही वादी,सेन सायी हेस ,से जगेर जीव जण गाणी न सक मांगे वाळ वो संस्कृती माईती जलम लेयेवाळो,धाटी मुंढाग लायेवाळो,गोर तत्वज्ञान सिकायवाळो, गरू सेवालाल जलम दन आछो साजरो करनु केन कायी वाते करनु ,कायी वाते न करनु ये वातेप खल हेनू गरजेरो छ,
आज घडीन गोरूरी समस्या अडचने घनी बढती छ,ओणून कु छडातु आय ,ये वाते प वचार,पचार हेनू घनो गरजेरो छ,
मुस्लिम समाजेर लोक 5 बेट बेटांन जलम दच अन ओ ओनुर जगेरो नियोजन नांनकिया पणेती ठेरावच एके न कच की तू ब्रेड पण वेच,एके न कच की तू भंगार लेएन जो,3 न कच की फ्रुट फळ वेच,4 थे नकच की समाजेर काम कर,5वेंन कच की तू धर्मेसारू मरेन बी तयार रेनु जो,आसे
तराती ओनुर सेच वाते ठरण छ,करणं आज घडीन ओणू कण एक एकर जमी न रयेर बाद, ओ ओनुर याडी भेणेर भुरखार भर निकळे देएनी, केरी धुराप बी जायेर काम छेनी,पच 25 करोड लोक जगेप राज करा केन सपणो देकते छ,ओर कारण छ,विचार,तत्व,नियोजन, संघ,नीती,ओ लोक नवकरीर करायी आसा करेंनी,बना भांडवलेर कामेंन लाग जावच ,शून्य मायीती विसव निर्माण करच
आज अब्जोधीश छ,मारवाडी,शिंदी,लोक आज 1-2 % लोक से आचो जीवन जगरेच तो आपण बी ये वातेर विचार करी चाय,लोक अन दुसरो समाज बी ओनुर नाळी नाळी जयंती साजरो करच,पण से नियोजन करणच करच,हर वाटेरो नियोजन करच,ओर सारू आपण जयंती साजरो कर्तु वना आचो नियोजन करनु गर्जेर छ,
नियोजन कर्तुवना कुनसी कुनसी वातेप फोकस रेनु,
1)सतगरु सेवालाल विचार धारा कु रेनु
2)केन केन वचार करेन बलांनू
3)वचार विषय कसे रेनु,समाजेन दिशा मळी चाय आसे विषय रेनु,,,लकनीर गरज,बेरोजगारेन चालन मळी चाय,निर्वेसणी समाज तयार वेणू,एकमतरो तांडेम रेनु,घरे घरे सिकवाडी, संस्कर, संस्कृती रेनु,लढाई झगडेती दूर रेनु,सामाजिक,वैचारिक, शैक्षणिक, आर्थिक, धार्मिक, संस्कृतीक,विचारेप वचार वेणू
4) जयंती न dj कोणी रेनु
5) डफडा ती जयंती साजरो वेणू
6) कमी पिसार मायी जयंती करनु,पिसा बाचंन आचे कामेंन लागणु,
7) याडी भेणेर वचार लेनू
8) नायक कारभारी, सरपंच संघटना वाळ लोकून बळांन एक फुल देणं सन्मान करनु,जेरो मान पान जेर जेन देनु,
9) हलके छच्याबरून मुंडाग जाय वसो मार्गदर्शन ,वचार देनु,
10) पिसार हासाब जतेर वत देनु
11) गोर धाटी र वचार,पचार हेनू
12) जयंती शांतता र मार्गेती वेणू,धा धांगड धिंगा न वेणू,
13) समाज समस्या प वचार खल हेनू
14) ओ दन आचे कामेर संकल्प वेणू
15) समाज हितेर वातेप विचार करनु
16) जत शाळा आफिस छ ओत सतगरु सेवालाल म फोटो देनु,अन आरदास, नतो विनंती करनु,,,ओन प्रार्थना केंनू
17) जयंती न गाल बोट न लागणु येर जबाबदारी रेनु
18) केणी जापा पिसातू लुटनू कोणी,फसानु कोणी,
19) खोटो बोलनू कोणी
20) रिसेती किती बोलनू कोणी
21) धोळे धजाण डाग लागे कोणी देनु
22) 15 फेब्रुवारी न एक दन कोयी कामेंन धंदेन जणू कोणी,,,ओ दान गोर गरीब लोकून मदत,हातभार,फळ वाटप,दवाखानेसारू मदत,ब्लड कॅम्प,आरोग्य शिबीर,लेनू
सोबती -विलास रामावत
गोरसिकवाडी राष्ट्रीय संयोजक,
0 Comments