•• दादीन भावपूर्ण श्रध्दांजली ••
रामचंद्र (गुरजी) मिठाराम आडॆ
यॆ दादार जंळी
धोंडाबाई रामचंद्र आडॆ,यी दादी
वय- ९२ वर्षॆ
ता- १७ सप्टॆंबर,शुक्रवार
खरचागी/समागी छ.
दादी-दादार बॆटा
वामन रामचंद्र आडॆ
ओमप्रकाश रामचंद्र आडॆ
आशोक रामचंद्र आडॆ
बालासाहॆब रामचंद्र आडॆ
बॆटा-४ | बॆटी- ४
दादीर सीकवाडी,चितांणी,
जीव्हाळो सॆन दॆन छोडन चलॆगी.
आडॆ कटमाळॆप जॆ दक पडमॆलो
छ. वू दक पचायॆर ताकत
याडी मरीयामा,सॆवाभाया
आडॆ कटमाळॆन द.
सगासॆण गणगोत
आडॆ कटमाळॆर दकॆम
सामील छ.
मूयी मटी- १८ सप्टॆंबर,शनिवार
परभाती- १० वा.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
• दकॆम • | समस्त राडी तांडा
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
▪︎सीकवाडी▪︎
हॆणी हॆणी हीयी छ.नॆकी बदी सराण
लॆन,पाडॆ सरीक पडावू ढळक गॆ छ.
सॆन वोज वाटॆती जाणू छ.आज
खावां छा,सवारॆर भरोसो रॆयॆनी.
वसोज मरण धरण कॆरी हातॆर रॆयॆनी.
हारॆ मायीरमोती पडतॆ जाय,वॆण
माता मोती परोती जाय,
यी जग रीत छ. याडी सायॆबणीप
भरोसो रकाडो.आजॆ ताेणी 'दादी'
आपणॆम वॆती.कायीं कमायी,कायीं
गमायी,कीणा मत काडो,सांधो जॆन
सणो.कोयी रोवो,हींझरो मत,झूरो
झीको मत,सासो-घोरो मत,नसासो
नाको मत.हींझरॆती,झीकॆती,घोरेती,
नसाब नाकेती,आबं वु मळॆवाळ छॆंयी,
तम भायी नातॆगोतॆप धॆन रकाडो.
घरबार छ,पंछ छ,दादीर चीतांळी छ.
आतराभलॆ गणगोत अन्
सीव सॆजारी छ.
▪︎कॆणावट▪︎
'मूयॆन मटी आन जीवतॆन बाटी'
डील झडकारन आप-पणॆ कामॆ
धंधॆन लागो.वूठो,नायॆणपान
करताणी कोळ बटको खावो.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
0 Comments