एक मिनिट लागिय पण..नक्की वाछो,एक झाड

जै गोर जै सेवालाल जै मरयामा

एक मिनिट लागिय पण..नक्की वाछो🙏🏻🙏🏻

..सोतांवेन दुसरेंन आंघ वाट लगाडो,

राम पोरेम निंद जागी 

कसेर तरी टक टक आवाज आयो,

म दरवाजा वाघाडन देको तो,

पण कोयीच कोणी दकाये,.....?

पण जीमेती मन आवाज आयो,

उमेती देको तो खिडकीउपर बेटो तो,

 एक सतार पक्षी,

ओर चोचीती टकटक करणं ओ फाळका रे उपर 

करोतो उ नक्षी...

"उ  मन पुछो,भिया,

एखादी झाड मळीय कायी भाडेती,

घर बांधे सारू---?,

एकलो तो म कत बी,कुयी,बी रेजा यु,

पण घर चावच .....?

मार नानकीया पिल पिला सारू...

  लोकच से जंगल तोडणके,

हमारो राण से खतम करनाके ,

आज हाम से जीव जनगाणी बेघर वेगेचा,

खायेन कायी छेनी,दाणा पाणी

हाम से भुके तरसे फकीर वेगे छा,

ढेर तमारे घरेप मेलोचो तम दाणा पाणी,

पेट तो भराजाय पण ,

हाम पिळपिला लेन रिया कत,,,?

यी वात कोयी धेनेमच का लेरे कोणी कोयी....

पेटेन न तो भूक छ,

खवाचा जको भीक छ,

अन लेजावाचा जरसेक घर,

पण छेनी लेजायेंन कायी....

कारायी हानु लागच की,जीव देणाकनू, 

 लाईनेर तारेप बेसन,नतो देणाकनू जीव मोबाईलेर टावरे र उपर जण....

 जण जीव चालो जाय,

ओर बाद ,सरकार  दिय खेतारीवाळे न जु दच जुच,

मळजाय एकांधी झाड,

ओप घर करण रकाडीव मार पिल पिलां न.......

जण मळीय कती तोयी आसरो,

यी से सामळन म खल किदो,

खरोच,

आतरा म विचार करायी किदो कोणी,

से जंगल तोड वेगो,

पण ओनुर कतीच घरेर किदे कोणी विचार....

पच म हात जोडण को वोन ,

वोनुर वतीती माफी मांगुचू तोन, 

पण तू आत्महत्या मत करेस,

खरोच म हिवडे कनेती केरोचू....

जते तानी मारे घरेम मांड तारो खोपा,

अडचण विय जरसेक,

पण आजघडीन ओतराच,

छ तोन उपाय सोपा,....

उ केयेलाग,घनो वेजाय मोटो उपकार,

पण म तारो भाडो कु दु--?

रोज समळायेस मन तू तारो मोठो 

आवाजेम एक गीद,

बाकी कायी कोणी  मांगु तोन म भीक....

पछ म केलागो,

तू तो भळगो मन पण बाकीर गंनगोतेर कायी,

वोणून पण जागा चाय,नतो वेजाय ओनुरो वनवास.....?

अरे लगारेच आब झाड,

जागिय चारिवाडी,

जण वेजाय हानी हानी हारो भारो,

पण तू आत्महत्या मत करेस,".....

यी सामलन उ सतार पक्षी वडगो,घनो खुश वेगो,

लकडी जमा किदो घरेसारू,

अन म मोबाईल वटायो, 

अन तमनेंन सेन केयेसरू,....

ओर खिडकी सामूती आयो जको आवाज,

ओती जागी मारी निंद,जागो मारो दल,

यी वाचन तम पण लागावो,

तमारे आघनेम,

कुंडीम,

एक तरी झाड.....एक तरी झाड--😊👌👍💐💐💐💐💐💐

*कमीत कमी एक तरी झाड लागावो !*

  🌳🌳 🌳🌳🌳

जै गोर जै सेवालाल जै मरयामा, जै लाखा गोर

अनुवाद-

गोर विलास रामावत भुकिया, 

गोरसिकवाडी भारत