*सासीच..........*
*जीव जनगानीन,जीव लगायी,*
*जीव लगायवाळ मार 'या' दकायी*
*कायी..?*
अपराध निसर्गेरो मापच आयो,
मारी 'या' न मारे कनेती दूर लेगो..!
'या' शबदेम कती अंत छेयी
कायी येळ माप बला आयी....!!
*जीव लगायेवाळ मार 'या' दकायी कायी.....?*
जग जेरे पगे मायी,वू मार 'या' र,
धरतीपर सेती भारी वोरी माया र..!
तांडो,डूंगर दरीयाती,मांडीती पाल..
लोयी पाणींर गोळान वाली छेयी...!!
*जीव लगायेवाळ मार 'या' दकायी कायी....?*
जगदनियाम न खूट धन र आसो,
अपूरो जलम रेगो सेवाम कसो..!
चलायी पगला,आंगळी पकडन..
भूकी रेन बाटी मूडेंन लगायी..!!
*जीव लगायेवाळ मार 'या' दकायी कायी....?*
राब-राब राबनं, खळगी तू भरायी,
'या' कतो आकी भरनं आयी..!
किदी जीवेर हाल मारे कारंण..
जिवळेंर रखवाली कोयी छेयी..!!
*जीव लगायेवाळ मार 'या' दकायी कायी......?*
आची वातेर मळरोतो गेन ,
मळंभळंन रेतेते घरेम भायी भेनं..!
तारी वाते घूसाड लिया भेजेमायी..
याडी बना जग सूनो सूनो लाग यी..!!
*जीव लगायेवाळ मारी 'या' दकायी कायी.....?*
✍️ *गोस्तावाळो*
*SAMNAK WORLD*
नेटवर्क मार्केटिंग
📞 *9595597575*
0 Comments