सेवादारेर नियम

 *सेवादारेर नियम*

* सेवादार (सेवादारी) सारू नवमी आंगेर 41,31,21,11 दनेर कपडा पेरछ. वोनूर सारू नियम

* धोळो आन गुलाबी रंगेर कपडा पेरछ,घरेर वूपर धोंळो धजा लगावच

*सेवादार कपडा पेरन लाडो-लाडान गोरमाटीर पुस्तक वाचेन लगाडणू आरत समजान डायसाणे केणू

* परभाती दन निकळेर पेलो आंगोळी करणू,सांज दन ढळेर पेलो आंगोळी करणू

* सांज याडी मरयामा आन सेवा भाया जलभोग लगाण बाटी खाणू

* बेडेप गादीप सोणू न, केरी कन जापा न रेणू .

* सेवा दारेर कपडा आकरा सालेर वूपरेर छिच्याबरेन पेराणू वोर सारूच नियम रच

* सेवा दार कपडा पेरे वाळ येक मेकन जै सेवाभाया केणू ,आदर करणू आछो बोलणू

* सेवादार कपडा पेरण नसा (तंबाखू न खाणू ,दारू पिणू कोणी) मद्यपान करणू कोणी .

* सेवादार कपडा पेरन खोटो हादो करेर छेयी, केरी पिसा लेयेर छेयी,खोटो बोलेर छेयी, आदर करण- आदरेती वागणूक रेणू

* सेवादार कपडा पेरन दन भरो गांवणीया लडी गीद बोलणू, याडी भेण ढावलो बोलणू ,नवी पिढी गीद सीकाणू

*सेवादार कपडा पेरन मोबाईले परेर गोर गांवणीयार लडी- गीद सांमळणू

*सेवादार कपडा पेरणू आसो सेनज बंधनकारक छेयी मनेर यीच्छा रच

* सेवादारेर कपडा नवमी न का छोंडेरो? येर आरत धुंडणू

* सेवादार चोको पूरन (चोको वंदना) करन कपडा काढणू.

*सेवादार कपडा  वतारेर ठकाण ,याडी मरयामा सेवाभाया ठाणो, देवळ,मळाण कन रच

* गोरमाटी समाजेम पेनाती संत, भगत मानच

* गोरमाटी समाजेर धाटी जतन करेर काम करणू यी मारोजा छ.

*सेवादार कपडा पेरन सेवा भायार पाच पाराप चालणू

*नियम पालन करणो बंधन कारक छ

वचारी:- गणेश करमठोट

दमाळ प्रकाशन,चंद्रपूर