गोर सोभिमान दन नागपूर दळ

*""नायकेर साेगनेर दन""*

*"गाेर स्वाभिमान दन केन नागपुर ये शहरेम साजरा करेम आय."*

----------------------------------------

नागपुर:- रजिस्टर, अधिकृत काेअर कमिटी गटीत गाेरसिकवाडी आणि गाेर सेना नागपुर विभागे सामुती कालेन ५ डिसेंबर २०२१ न नायकेर साेगनेर दन केन गाेर स्वाभिमान दन आनंदेती, खुशीती संपुर्ण नागपुर विभागेर गाेर बंजारा भाई, भेनेन साेबत लेताळी, कार्यक्रम हार्षउलासेती साजरा करेम आयाे., 

*"सदर कार्यक्रमेम नायक आणि  कारभारीर पगडी बांधेर कार्या सेवालाल महाराजेर वंशज मा.नितीन महाराज नागपुर येदुर हस्ते संपुर्ण नायक,कारभारीन पगडी पेरान कार्यक्रम थांटेती पार पडाे.,*

ये कार्या म संपुर्ण नायक, कारभारी आपळाे हेवादेवा साेडन समाजेवास एकत्र आय., 

*"आणि जे लाेक समाज विघातक छ., समाजेम फुट पाडेर मानसिकता रकाडच., असे दाैगले लाेकुन साेडन संपुर्ण नायक, कारभारी आणि गाेर बंजारा समाजेर संपुर्ण संघटना र प्रतिनिधी पुर्ण ताकतेती उपस्थित र.,हाम सब एक है!! इ संदेश ये कार्यक्रमेर माध्यमेती संपुर्ण भारतेम देयम आयाे."*

*सदर कार्यक्रमेम संघर्षमय जिवळ जगन आपळाे हिमालय आवडा आशियाना तयार करेवाळाे आदरणीय गणेश भिया राठोड नायक वाडी येदुन गाेर रत्न💎करन सन्मानित करेम आय.,* 

सदर गाेर स्वाभिमान दनेर कार्यक्रमेर प्रास्ताविक श्रीकांत राठोड ये किदे.,सुत्रसंचालन विजु भाऊ राठोड विदर्भ संयाेजक ये अतिशय सुत्रबध पध्दतेती किदे., कार्यक्रमेर आभार संदिप भाऊ राठोड विभागीय संयाेजक ये किदे.,

*"गाेर स्वाभिमान दन ये कार्यक्रमेन प्रमुख वचारी सुभाष जाधव साहेब,आदरणीय आत्माराम चव्हाण नायक, सरदार राठोड नायक, पृथ्वीराज चव्हाण (शिक्षक तथा गाेर बंजारा समाज सेवक), माणिक चव्हाण उपमुख्य कार्यकारी अधिकारी गडचिरोली, संजय राठोड तहसीलदार आरमाेरी, राजु भाऊ चव्हाण,ये मान्यवर अनमाेल असाे वचार समाजेर भाई भेने हाेडयाग मांडे."*

सदर कार्यक्रमेन आदरणीय आत्माराम चव्हाण नायक, नारायण पवार कारभारी,प्रकाश राठोड नायक, बाबाराव राठोड नायक, राजु राठोड नायक,पिरुभाऊ राठोड नायक, काशीनाथ राठोड नायक,सरदार राठोड नायक, दिलीप चव्हाण कारभारी, उदल राठोड नायक, जयवंत जाधव कारभारी,आणि संपूर्ण गाेर बंजारा समाजेर नागपुर विभागेर गाेर बंजारा बांधव "गाेर स्वाभिमान दन" इ कार्यक्रम साजरा करेवास उपस्थित र., 

*"गाेर स्वाभिमान दन ये कार्यक्रमेन यशस्वी करेवास उदल भिया नायक, जयवंत भिया कारभारी, यशवंत भिया, विजु भाऊ, संदिप भाऊ, आणि गाेर सेना माहुरखाेरा, खैरी पन्नासे,कांजळी ये तांडेर गाेर सैनिक पुर्ण ताकतेती गाेर स्वाभिमान दन इ कार्यक्रम यशस्वी घडान लाय.,"*

करन गाेरसिकवाडी, गाेर सेना नागपुर कटमाळाे संपुर्ण गाेर बंजारा भाई भेनेर, नायक, कारभारीर आभार मानच., आणि धन्यवाद दच., 

*"गाेर स्वाभिमान दन ये कार्यक्रमेर खुप खुप शुभेच्छा!"*