खैरी पन्नासे तांडा,हिंगणा नागपुर,बैठक

 जय सेवालाल

---------------------------------

*खैरी पन्नासे तांडा,हिंगणा नागपुर,आतेर घरेर समस्या वास,, विभागीय आयुक्त येदुर साेबत यशस्वी बैठक.,*

-----------------------------------

नागपुर:-खैरी पन्नासे तांडा,हिंगणा नागपुर, आतेर गाेरमाटीर, घर अतिक्रमणेर टपका लागान पाडेम आवगेते., माेठे प्रमाणेम गाेरभाईर नुकसान वेगाेताे., 

*माटी श्रीकांत खेतावत गाेरसिकवाडी महाराष्ट्र प्रदेश सहसंयाेजक येदुर नेतृत्वेम लारेर एक सालेती गाेरमाटीन घर मळेवास प्रयत्न चालू छ.,खैरी तांडेर गाेरमाटीन घरेर, जागा वास ग्रामपंचायत खैरी पन्नासे कनेती ठराव मंजूर करान लिदे.,पाळीर व्यवस्था करन दिने.,*

दिनांक:-२६/०२/२०२१न मा. विभागीय आयुक्त येदुर समाेर वेगवेगळे विषयवास बैठक लेयम आई.,, 

*सदर बैठकेन खैरी पन्नासे हिंगणा नागपुर,ये तांडेर समस्या वास माटी संदिप राठोड विभागीय संयाेजक नागपुर ये ""मा. विभागीय आयुक्त नागपुर"" येदुर हाेडयाग, खैरी पन्नासे तांडेर समस्या मांडे.,आणि तांडेर संपूर्ण दस्तावेज सादर किदे.,*

-------------------------------------

*माटी संदिप राठोड गाेरसिकवाडी  विभागीय संयाेजक नागपुर,येदुन मा. माेहन भिया चव्हाण ये मार्गदर्शन किदे.,,,,*

-------------------------------------

*जल्दी म जल्दी खैरी पन्नासे तांडेर समस्या निराकरण विय., असाे आश्वासन मा. विभागीय आयुक्त साहेब ये दिने.*

सदर बैठकेन बंजारा समाजेर दुसर समस्या लेताळी माटी धर्मेंद्र जाधव, जिवती तालुकार भेन सभापती बाई ये हजर र.,

*मा. संदिप राठोड, गाेरसिकवाडी विभागीय संयाेजक नागपुर, ये विभागीय आयुक्ते हाेडयाग याेग्य प्रकारे पाठपुरावा किदे.,करन काेअर कमिटी गटीत गाेरसिकवाडी, गाेर सेना,*

*""माटी संदिप राठोड"" येदुर अभिनंदन करच.*

         जय सेवालाल