चाली नायकी--कवी अरूण पवार परळी

 

*चाली नायकी ...*

*चाली नायकी हमारी वेंडेन रे,* 

 *मोतीवाळा बचाल तांडेन र* 

*आपणो पणो गमागो सेरो*

 *तांडेवाळेन कोयीबी धोरो*

*आसे सोटा लागे कुंडेन रे*

 *मोतीवाळा बचाल तांडेन र.* 

*काई धुंडेरो कळेनी जारो*

*आंधारेप पडेनी वजाळो*

*आंधे वेन लागे धुंडेन रे*

*मोतीवाळा बचाल तांडेन र*

*तांडेवाळेप कामेरो बोजा*

*लखेवाळभी चलायेनी भेजा*

*सब इंडा लागे गंडेन रे*

*मोतीवाळा बचाल तांडेन र*

*खरो खोटो मांडू कत*

*अंधारेम जपरी पत*

*वजी केन लगावू भांडेन रे*

*मोतीवाळा बचाल तांडेन र*

    *..... कवि अरूण पवार परळी*