गोर चितांणी( मलूकी )

सोबती भेट चितांनी

मा जयराम पवार सर उप जिला अधिकाररी,मुंबई मंत्रालय,"मलूकी "नामेरो पुस्तक भेट देयेम आयो,जयराम पवार सर एक आचो विचारवंत छ,घण मोट वात धुंडण सोजा काडे छ,,,इ इतिहासेएम घण मोठ वाटाछ,

       लेखक-जयराम पवार,माहेशचंद बनजारा,सरीराम पवार,खुशीराम कापडी,से भळन मलुकी न धुंडन काडे,सोजा काढे,इ गोर कुळी सारू घन अनमोल वात छ,क

       घन सोभिमानेर वात छ,आसे एक एक हिरा कुळीं न्याय दीय केन लागच,

       बल्लूराव बिजरावंत बनजारा र छोरी छ मलूकी

       राजा भोज भरतेम राजा म एक राजा वेन चलोगो,ओर काळेम धाटी ,साहित्य निर्माण हुवो जको छ, राजनीती,संरक्षण,स्थापत्य,सांस्कृतिक कार्य,चौसस्ट जोगणी,बावन्न भिरु,र देवळ,शिव मंदिर,गड किलो,बारवा,वावडी,तलाव,विमान बनएरो कला,जीवन जगेर कला,रसायन बनएरो कला,आसे कामेम राजा भोज दनियाम एक नोबरेप छ,ये वातेन आज 1000 वरस वेगे पण ये वाते आजबी से सिध्दांत भारतीय उपखंड म आज बी लकन छ,

       गोर वंश के राजा भोज र बाद 20 वि पिढीम  बींझा ती बने बिंजरावत के खानदान म सण 1539 म जलमो राव मुला,ओर 14 बेटा,ओणूम शेती मोठो बेटा,बल्लूराव छ,येन त13 बेटा,14 वि मलुकी छ,यी दखायेन घन सुंदर वेती,वीरांगना वेती,घन बुद्धीमान वेती,तरबेज वेती,करणं ओती अकबर बादशहा मलूकि ती वाया करनु करण सोचोतो ,पण गोर बंजारार एकता , हिंमत , चातुर्य, साहस,निर्भय देखणं अकबरेन हार माननु पडो,बल्लूराव न गजनायक केर पदवी वेती,जण से गोर बनजरा भळण ठेराये की कोयी हालतेम मलूकी र वाया आखबरेती वाया कोणी वेय दा, गोर वंश नष्ट बी वेगो चालीय,पण वाया कोणी वेयदा,गोर कुळीं बटो कोणी लागेदा,अगर इ वाया जर वेगो तो अपनी सात पिढी कलनकीत वेजाय,अपणें जीवनेन धिक्कार वे जाय,मलूकी सारू अकबर दी लढायी लडो डिसेंम्बर 1591,अन फेब्रुवारी 1592 ये काळे म,पेली लढाई म 12000 फोज दुसरी वना 24000 लोकूर फोज,सेनापती मेर जाफर अन मेहरम खा सोबत आये ते,दोयी लढाईम अकबर शर्मनाक हार वेगीं,

       येच तराती अपनी छोरी दुसरे कोरून दो मत,कुळीं न बटो लागेदो मत,बेटी यी समाजेर धर्मेर नाक रच,ओन आच मत लागेदो,बेटी पडाओ देश बचाव,

       सामल मालिया सामल गोरूर बेटी कोरून मत देश,तो न जे चाय उ मागण लेस,गोर वेराळू केलायेस ,घडी भरे राज पाटे सारू,मालिया जांगड मत केला येस

       

-समन--अनुवाद -मलूकी -गोर बोली भाषा

-गोर लढवुआ विलास रामावत