छोरा जन नानकीया सो रछ,ओर दादा ओन सिक दछ,ओर पोतेन टांगेप बसारन डोडो खरावछ,टांगे हेट उछ करछ अन बोलछ,
डोडोर ...डो.....डोडोर....डो...पोपो र पो....पो पो र पो....हुटासु खो....ड़डोर ...डो..हुटासु खो....
टांगे हेट उछ वछ जन छोरान आछो लागछ,डर लागछ, ,छोरार हातेम कचोळी रछ,ओम घुगरी रछ,एक हातेम कचोळी,दुसरे हातेती दादार टांगे पकडन रछ,दादारी टांगे जरा जापा उछ चलीजाव छ,जना छोरा चमकजाव छ अन हातेमायीर कचोळी हेट पडजाव छ,घुगरी रढ जावछ,जन दादा कछ,
तार सासु र कचोळो फुटो
विंंळ विंंळ खो,.....विंंळ विंंळ खो,,,
केयेर मतलब आसो छ की,छोरा न दादा नानकीया रछ जन सिक दछ,ओन हुशार करछ,क बेटा दुसरे टांगेप मत बेसेस,डाव ..डाव मत करेस,कतो दुसरेर भरोसेप मत रेस,सोतां भरोसेर बणेस, तारी टांगे मजबुत करेस,तारो संसार दुसरेर भरोसेप मत करेस,तु जर दुसरेर भरोसेप रीयो तो फकत हुट जु खावछ उछ उछ जुछ मळछ,डाव डाव र नांदेम घुगरी रढ जावछ,पछ घुगरी विणेंर काम पढछ,जुछ आज गोरमाटी र पुरे भारतेम घुगरी रढगीछ,ओन विणेर काम से गोर भायीन करणु लागीय,
दुसरेर भरोसेप मत रीजो,सोता भरोसेर बणोंं.
गोर लढावुआ भारत
विलास रामावत
0 Comments