5 डिसेंम्बर नायकी र सोगण

 व्हिडिओ देकेसारु हेटेर चित्रेप क्लिक करो

5 डिसेंम्बर 1963 वसंतराव नायक सत्ता स्थापन महाराष्ट्र र मुख्यमंत्री बनो,जनाती 3 वना जनाती नायकी किदो,गोरुसारु घन मोठं सोबिमान र वात छ,जुछ नायकी कारेवाळ गोर ,नायकी कु करनु,गोरमाटी कतो गोरबंजारा समाज सोतार गौरवशाली धाटी वाणी बानों आन वैभवशाली टांढेर पंचपंचायत वेतीती,पणन परकीय आक्रमण,देसेर कायदो आन सीम,लदेणी बेपारेम आडचणे आयेर कारणेती गोरबंजारा आपण सोतार वळक गमान बेठो तो,आसे वकतेम गोरूर वळक,सोभीमान आन गौरव मळान देयेवाळो एक महानायक जलमेन आयो वू हाजूसंग फूलसंग कतोज वसंतराव नाईक साहेब.नाईक साहेब गोरबंजारा आन वोनेसरीक कायी जातीन आदिवासीम लेणू करण १९६८ आन १९७८ असे दी वणा सिफारस केंद्र सरकारेन दीने मात्र वू वात पूर्ण वी कोनी शेवटी नाईक साहेब संविधानेर चौकटेम महाराष्ट्रेम विजाभज प्रवर्ग तयार करण न्याय दिनो वोनेर रेगो जको सपनो पूरो करेर जबाबदारी आपणेपर छ.वसंतराव नाईक साहेब  तीनवणा सत्ता ग्रहण किदोछ. अर्थात नायकी करेर सोगण तीनवणा लिदेछ. येरे सारू 5 डिसेंबर 1963 न हमारे समाजेन सत्तापर जायेरो एक *गौरव* पूरे समाजेन प्राप्त वियो करन *गौरवदन* साजरो करणो गरजेरो छं। वोर लारेर व्यापक भूमिका ई छ ,येरे सारू *गौरवदनेर* लारेर जी व्यापक भावना छ उ समजन लेन मनाणु,  सेनं विनंती छ की  शक्य तो सारी गटतटेर भाईभेन  एकत्र  आताणी  सध्यार परिस्थिती देखन  साधे पणेती पण से ये निमतेती एक दनेसारु का वेयनी पण एकजाग आवणु आन समाजे मांईरो अंतर कमी करणू आन वोनूर रेगो जको सपनो पूरे करेसारू सोगण लेणू।